Kreu i republikanëve, Fatmir Mediu ka mbledhur Këshillin Politik të PR-së, ku foli mbi rëndësinë e zgjedhjeve të 25 prillit për të djathtën.
Zgjedhjet e 25 prillit janë përcaktuese për forcën e së djathtës, deklaroi kryetari i Partisë Republikane, Fatmir Mediu në fjalën e tij në Këshillin Politik të PR-së, që në përbërje të tij ka intelektualë, të rinj, profesionistë dhe pedagogë.
“Historia e të djathtës në këtë end është histori suksesi padyshim dhe problemesh të cilat duhet të reflektojnë. Por kjo e djathtë bëri të mundur ndryshimet, në Shqipëri, që hapi Shqipërinë drejt demokracisë. Po ashtu anëtarësimin e institucioneve të rëndësishme ndërkombëtare edhe si meritë e lidershipit, zotit Berisha”, tha Mediu.
Këshilli Politik i Partisë Republikane, theksoi në vijim Mediu, duhet të kthehet në një qendër të organizimit të debatit për forcimin e së djathtës dhe ideve të saj.
