Një tërmet me magnitudë 4.3 ballë e shkallës Rihter është shënuar në Amfilochia të Greqisë.
Sipas mediave të huaja, lëkundjet u ndjenë në orën 23:50 të së martës dhe thellësia fokale e saj ishte 5 km. Epiqendra ishte 13 km në Perëndim të Kastraki, në Etoloakarnania.
Është bërë gjithashtu me dije se tërmeti nuk ka shkaktuar dëme por është ndjerë nga shumë persona. Lëkundje të dobëta mund të jenë ndjerë edhe në disa qytete dhe fshatra afër si në Rivio që ndodhet 3 km nga epiqendra, Lepenou, Fyteies, Amfilochia dhe Agios Konstantinos.
