Një oficer policie ka mbetur i vrarë ndërsa 79 të tjerë janë marrë peng gjatë protestave në provincën jugore Caquetá të Kolumbisë.
Dhuna shpërtheu të enjten pasi banorët bllokuan kompleksin e kompanisë së kërkimit të naftës Emerald Energy. Ata kërkonin ndihmën e saj për riparimin dhe ndërtimin e rrugëve të reja në zonë.
Një civil u vra gjithashtu dhe nëntë punëtorë të fushës së naftës u morën peng së bashku me oficerët e policisë.
Presidenti kolumbian Gustavo Petro tha se shpresonte se ata do të liroheshin “në mënyrë të njëanshme” përpara çdo përshkallëzimi të dhunës dhe kërkoi ndihmë mjekësore nga Kryqi i Kuq.
Shumë nga protestuesit janë banorë ruralë dhe indigjenë që duan Emerald Energy të ndërtojë infrastrukturë të re rrugore rreth zonës San Vicente del Caguan.
