Home Politike “Politikë antikombëtare”, Berisha pas vizitës në Panairin e Librit: Rama ndaloi fondet...

“Politikë antikombëtare”, Berisha pas vizitës në Panairin e Librit: Rama ndaloi fondet për blerjen e librave për bibliotekat e shkollave

Kreu i PD-së Sali Berisha vizitoi sot Panairin e Librit dhe u ndal për gazetarët më pas duke akuzuar kryeministrin Edi Rama se ndaloi fondet për blerjen e librave për bibliotekat e shkollave.

“Sot në këtë panair, festival madhështor i librit, me gjeninë e tyre krijuese, ata janë kontributorët kyesorë në forcimin, shkëlqimin e identitetit tonë kombëtar. Asgjë nuk lidhet me identitetin e shqiptarëve më shumë se gjuha dhe libri e libri dhe gjuha.

Në këtë kontekst, kjo mori publikimesh shqiptare dhe të huaja në gjuhën tonë amtare, përbëjnë një arritje të re, për kulturën, letrat shqipe.
Por unë jam këtu për të dënuar politikën antilibër, antikombëtare të Edi Ramës, të këtij armiku të egër të librit, kulturës, të këtij antishqiptari që i futi buldozerët Teatrit Kombëtar, që mbuloi me ndërtime 120 objekte të trashëgimnisë kulturore, që po rrënon Butrintin dhe vlerat e tjera të mëdha.
Por jam këtu për të denoncuar qëndrimin antilibër të tij. Shqiptarët duhet ta dinë se libri këtu tatohet më shumë se kudo në Europë. Shqiptarët duhet ta dinë se ato përpjekje që u bënë për të krijuar, jetësuar bibliotekat në të gjitha shkollat e vendit, ato fonde që u përcaktuan për të blerë libra për ato biblioteka, u ndaluan me një vendim antilibër të Edi Ramës.

Previous article“Projektbuxheti i qeverisë, përgjigjja më e gabuar ndaj krizës”, Meta: Ja ku i çon rilindja lekët e pagave dhe pensioneve
Next articleGjendet pas 140 vitesh lloji i rrallë i pëllumbit, shkencëtarët: Ndihemi sikur kemi zbuluar njëbrirëshin