Home Rajoni Menduh Thaçi dhe Sasho Mijallkov dënohen me nga dy vjet burg në...

Menduh Thaçi dhe Sasho Mijallkov dënohen me nga dy vjet burg në rigjykimin për “Titanik 2”

Gjykata Penale e Shkupit sot e ka shpallur aktgjykimin për herë të dytë për rastin “Titanik 2”.

Menduh Thaçi, Sasho Mijallkov, Bedredin Ibraimi dhe Sasho Srcev sërish u shpallën fajtorë dhe u dënuan me burg.

Menduh Thaçi u dënuar me 2 vjet burg, Sasho Mijallkov 2 vjet burg, si dhe Bedredin Ibraimi dhe Sasho Srcev u dënuan me nga dy vjet burg.

Gjatë leximit të aktgjykimit, gjykatësi tha se koha e kaluar në arrest shtëpiak ose paraburgim do t’u llogaritet pjesë e dënimit.

Ndryshe me aktgjykimin e parë të shpallur më 8 mars 2019, të akuzuarit u dënuan me 19 vjet e 8 muaj burg, por në dhjetor të po atij viti, Gjykata e Apelit në Shkup e prishi aktgjykimin dhe e ktheu lëndën në rigjykim.

Previous articleKavajë/ Qendra e të moshuarve u përfshi nga zjarri, zbardhet shkaku i ngjarjes, ja çfarë ndodhi
Next articleZinchenko: Shumëkush qeshi me mua kur thash se do të luftonim për titull