Home LifeStyle Mediat italiane tallen me bashkëshortin e Angela Merkel

Mediat italiane tallen me bashkëshortin e Angela Merkel

largea_merkel3691359102590Joachim Sauer, 63 vjeç, nuk ka grua ndonjë gjaknxehtë italiane, por ka një nordike gjermane si Angela Merkel.

Mediat italiane e kanë vënë në shënjestër profesorin e kimisë pas një interviste që ka dhënë ai për Reuters.

I pyetur se cili ka qenë momenti më i lumtur në jetën e tij, ai ka thënë se ky moment ka qenë kur ra Muri i Berlinit dhe gjermanët u bashkuan.

Gjermanëve nuk u bën aspak përshtypje një përgjigje e tillë, shkruan Bild, por mediat italiane, përfshi Corriere della Sera, habiten se si ai nuk tha se momenti më i lumtur në jetë ka qenë kur Angela Merkel i tha ‘po’ për martesë.

“Zoti Merkel numëron momentet e tij të lumtura dhe harron Angelan,” shkruajnë mediat italiane.

“Tani, në udhëtimin tjetër për në Itali, profesori i turpshëm duhet të rregullojë reputacionin e tij si kavalier. Ose të paktën t’u shpjegojë miqve të tij se në veri të Alpeve, zemra mbahet kryesisht në krahun e majtë të kraharorit dhe jo në gjuhë…”, shkruan Bild.

Previous articleKupa e Mbretit, Barça në gjysmëfinale përballë Realit
Next articleNina Agdal, 19 vjeçarja drejt suksesit