Ish-sulmuesi legjendar i Manchester United, Dwight Yorke, i del kundër trajnerit Erik ten Hag. Yorke, që ka shkruar historinë me 20-herë kampionët e Anglisë dhe ka fituar dhe tripletën në 1999, është shfaqur skeptik sa i takon progresit të United nga sezonit të kaluar dhe shton se Ole Gunnar Solskjaer ka bërë një punë më të mirë sesa holandezi.
Skuadra e Erik ten Hag është e pozicionuar në katërshen e parë të renditjes në Premier League dhe ka fituar Carabao Cup, por nuk ka arritur të konkurrojë për titullin kampion, pasi ka marrë nëntë humbje këtë edicion. Për këtë arsye, Dwight Yorke ka shfaqur rezervat e tij lidhur me teknikun holandez.
Manchester United i kanë mbetur dhe katër ndeshje nga fundi i sezonit dhe duhet të koleksionojë 9 pikë që të sigurojë zonën Champions. Ndërkohë, më datë 3 Qershor do të luajë finalen e FA Cup ndaj Man.City.
