Specialistët kundër krimit ekonomik dhe financiar në Drejtorinë Vendore Durrës arrestuan në flagrancë shtetasin:
A. S., 25 vjeç, banues në Kosovë, pasi në P. K. K. Port, Durrës, ka tentuar të kalojë kufirin me dokumente bullgare, të dyshuara si të falsifikuara.
Specialistët për hetimin e krimeve në Komisariatin e Policisë Durrës, në vijim të punës për parandalimin e ngjarjeve kriminale arrestuan në flagrancë shtetasin:
Xh. Sh., 53 vjeç, banues në Rrashbull, Durrës.
Arrestimi i tij u bë pasi ka kanosur me një dorezë përforcuese grushti metalike, e cila u sekuestrua në cilësinë e provës materiale, shtetasin A. D.
Ndërkohë specialistët e qarkullimit rrugor në Drejtorinë Vendore Durrës, në vijim të punës për parandalimin e aksidenteve rrugore dhe ndëshkimin e atyre drejtuesve të automjeteve që drejtojnë mjetin në gjendje të dehur, arrestuan në flagrancë shtetasin:
E. Ç., 32 vjeç, banues në Durrës.
Ky shtetas, duke drejtuar mjetin tip Volkswagen, është përplasur me mjetin tip Audi duke shkaktuar vetëm dëme materiale.
Materialet i kaluan Prokurorisë së Rrethit Gjyqësor Durrës, për veprat penale “Falsifikim i letërnjoftimeve, i pasaportave ose i vizave”, “Armëmbajtja pa leje”, “Kanosja” dhe “Drejtimi i automjeteve në mënyrë të parregullt”.
