Home Sociale Dita Ndërkombëtare kundër Homofobisë, aktivisti i LGBTQ+: Ndihem me fat

Dita Ndërkombëtare kundër Homofobisë, aktivisti i LGBTQ+: Ndihem me fat

Aktivisti i lëvizjes LGBTQ+ Kristi Pinderi ka bërë një shkrim në Ditën Ndërkombëtarë Kundër Homofobisë kushtuar partnerit të tij dhe një prej themeluesve të kësaj lëvizje në Shqipëri. Me anë të një postimi në Facebook, Pinderi shkruan se Erioni (partneri i tij) ka qenë 20 vjeç në kohën kur u bashkua kësaj lëvizje dhe se ka qenë nga personat e parë që ka pedaluar në vitin 2012 për mbështetjen e kësaj lëvizje.

Postimi i Plotë:

Sot, ne Diten Nderkombetare Kunder Homofobise, dua te flas pak per dike i cili nuk ka nevoje per asnje lloj “recognition”, por une kam deshire ta kujtoj dhe vleresoj kontributin e tij te kaluar dhe kontributin qe besoj do vazhdoje te jape. Erjoni eshte partneri im por sot nuk dua te flas per Erjonin tim, por per Erjonin e Levizjes LGBTQ+ ne Shqiperi Ai eshte nje bashkethemelues i kesaj levizjeje. Une i pari e harroj shpesh kete fakt sepse e kam marre te mireqene ekzistencen e tij ne cdo projekt, ne cdo nisme, ne cdo bisede strategjike dhe ne cdo aksion qe kemi ndermarre bashkarisht.

Por ka dhe nje arsye tjeter pse une shpesh nuk e shikoj te stampuar neper fotografi kontributin e tij. Eshte vertet e veshtire ta gjesh Erjonin ne fotot e rrugetimit te levizjes sone tashme mbi 10 vjecare. Per nje arsye qe tregon aq shume per karakterin e tij vetmohues: Ai ka qene ose duke i shkrepur fotot qe ne sot i shohim me nostalgji, ose ka qene duke zgjidhur ndonje problem! Erjoni ka qene i pari qe ka pedaluar ne Tirana Pride ne 2012 e ne vazhdim deri ne 2017. Ka qene bashkeorganizator i saj. Ai eshte personi qe ka mbajtur peshen me te rende gjate vitit te pare operacional te shelterit Streha. Erjoni eshte themelues i Pro LGBT dhe eshte njekohesisht themelues i Historia Ime. Keto te dyja festojne kete vit 10 vjetorin e themelimit.

Erjoni, autor ose bashkeautor i gureve kryesore kilometrike te Levizjes queer ne Shqiperi, ka qene vetem 20 vjec kur ka zene kete rol te pazevendesueshem ne levizje dhe eshte rritur bashke me te. Nga bankat e shkolles drejt e ne zyre per te mesuar si ideohet nje projekt, si menaxhohet, si monitorohet, si raportohet dhe si garantohet qendrueshmeria. Vetem 20 vjec! Perpos ketyre, atij i eshte dashur te mbaje dhe peshen e nje roli qe nuk e ka dashur kurre: jo vetem rolin si partneri im, por si pjesa me e mire e imja. Sa here une, me natyren time te shqetesuar e te vrullshme kam prishur marredhenie, e mund te kem lenduar njerez, ka qene Erjoni piknisja e riparimit te ketyre marredhenieve. Sa here une ose Xheni kemi “fluturuar” pas ideve pasionante, shpesh te pamenduara, ka qene Erjoni qendra gravitacionale ku keto ide jane amenduar, jane ripozicionuar me kembe me ne toke si te thuash, ose jane hedhur ne kosh

Erjoni thote se punon me mire me numra, por ne fakt ketu nuk jam dakort me te. Puna me e pamohueshme e Erjonit eshte puna e jashtezakonshme qe ai ka bere me njerezit. Aftesia e tij per ti bere te gjithe ata qe e njohin te ndihen mire, edhe sot e kesaj dite me befason. Nje nder arsyet pse dhe si ne e humbasim aftesine per te kuptuar cfare rrugetimi te jashtezakonshem kemi bere eshte se nuk ndalemi per ta kujtuar ku kemi qene e ku jemi. Ne kete mundesi te humbur shpesh jemi te padrejte me ata qe e kane bere te mundur kete ndryshim, me pranine, idete, karakterin, vetmohimin e shpirtin e tyre luftarak. Ne sot i gezohemi ne Shqiperi shume arritjeve qe i kemi bere te mundura bashkarisht, por une mendoj se shumica e ketyre arritjeve nuk do te kishte qene e mundur pa rolin qendror te Erjonit. E shikoj se si te njejtin qendrim dhe etike ne pune dhe ne marredhenie me njerezit ai ka dhe sot qe punon per qeverine e Kanadase. Dhe kjo me ben te ndihem me fat.