Home Politike Deputetja e PD: Përmbytjet në Shkodër zbuluan korrupsionin qeveritar, një popull që...

Deputetja e PD: Përmbytjet në Shkodër zbuluan korrupsionin qeveritar, një popull që paguan taksa për zyrtarët, por që mbytet nga keqqeverisja për 30 minuta

Deputetja e Shkodrës e Partisë Demokratike, Greta Bardeli, në një deklaratë për mediat, reagoi për situatës pas reshjeve të shiut në këtë qark.

“Si deputete e Shkodrës, dua jo vetëm të raportoj për gjendjen në territorin e Bashkisë, por edhe të solidarizohem me të gjithë ata bashkëqytetarë të mitë shkodranë, që u përmbyten kur qeverisë së Edi Ramës i doli jashtë kontrollit rrebeshi i korrupsionit. Nga monitorimet në terren sot, deri në orën 10, gjendja e përmbytjeve dhe lëvizja e ujërave në të gjitha basenet e Shkodrës është e paqëndrueshme. Hidrometrat e liqenit të Shkodrës dhe lumit Drin shënjojnë afër kapaciteteve maksimale. Në disfavor të gjendjes është edhe fakti se reshjet vazhdojnë, dhe po ashtu hapja e digave të dy hidrocentraleve të kaskadës së Drinit. Në bashkinë Shkodër ka një sipërfaqe totale të përmbytur rreth 1 mijë e 458 Ha. Familje të evakuara gjithsej janë 86 dhe vijnë nga njësitë administrative të Gurit të zi, Bërdicë, lagjet 1 dhe 2. Duhet patur parasysh fakti se ky numër nuk përfshin shumicën tjetër të banorëve që nuk pranojnë të largohen duke ruajtur pronën dhe pasurinë e tyre dhe janë të zhvendosur në katet e dyta të ndërtesave. Shumica e të evokuarve janë të akomoduar te të afërmit, ndërsa në konvikte 3 familje”, u shpreh ajo.

Më tej ajo ka falenderuar Bashkinë Shkodër dhe kryetarin Spahia, “që kanë qenë dhe janë në gatishmëri me të gjithë kapacitetet njerëzore, logjistike dhe akomoduese për t’i ardhur në ndihmë popullatës të rrezikuar nga përmbytjet”.

“Dua të falenderoj gjithashtu me gjithë zemër Forcat e Armatosura të Republikës së Shqipërisë, që po bëjnë një punë atdhetare.

Ata janë të vetmit në frontin e betejës, duke u munduar të menaxhojnë me përkushtim papërgjeshmërinë e një qeverie që i lë në mëshirën e ujit e te baltës nënshtetasit e vet pa paralajmërim!

Me fondin e Emergjencës Civile të përdorur për kopshte të varura ne oborrin e korrupsionit dhe fasadat pa fund, qeveria jo vetëm i mbyt qytetarët e saj, por as nuk përgjigjet ne kohe duke i lënë në përmbytje qytetarët e Shkodrës!

Një popull që paguan taksa për zyrtarët që e drejtojnë por që mbytet nga keqqeverisja për 30 minuta, është një popull i vjedhur në mënyrë kriminale dhe i përbuzur nga arroganca dhe cinizmi.

Si shqiptarë dhe europianë, duhet të bëhemi bashkë me 6 dhjetor. Shqipëria na kërkon që t’i dalim zot”, përfundon ajo./BW

Previous articleSot dita e Alfabetit të Gjuhës Shqipe, Nikolla: Tipar thelbësor i kombit shqiptar
Next articleAmbasadori i SHBA-ve përgëzon Serbinë: Angazhimi i Vuçiçit për zgjidhjen e tensioneve në veri është konstruktiv