Kevin de Bryjne është optimist se Mançester Siti mund ta bëjë edhe më të paharrueshëm këtë sezon, duke fituar tripletën të shtunën kundër Interit.
“Unë nuk mendoj se ka ndonjë presion”, tha De Bryjne kur u pyet për fitimin e tripletës nga skuadra e Guardiolës. “Ne kemi pasur një sezon të shkëlqyer deri tani dhe do të përpiqemi dhe të jemi gati sa më shumë që të jetë e mundur për të shkuar në Stamboll dhe luajtur një ndeshje tjetër të shkëlqyer. Ka qenë një sezon i pabesueshëm dhe shpresojmë që të bëjmë edhe më të mirë”, tha 31-vjeçari.
De Bryjne ka luajtur në 9 ndeshje në Ligën e Kampioneve këtë sezon, duke shënuar 2 gola dhe dhuruar 7 asiste. Ai ishte vendimtar në gjysmëfinalen kundër Realit me golin e barazimit që shënoi në sfidën e parë në “Bernabeu” (1-1).
