Home Politike “Akuzohemi shpesh se jemi qeveri që mendon për oligarkët”, Rama: U hapen...

“Akuzohemi shpesh se jemi qeveri që mendon për oligarkët”, Rama: U hapen dyert në lagjen e re për 74 familje

Kryeministri Edi Rama i pranishëm sot në Ndroq ku u hapen dyert në lagjen e re për 74 familje te cilat jane demtuar nga termeti, iu pergjigj dhe akuzave se qeveria e tij mbron oligarket dhe jo shtresat ne nevoje. Kreu i qeverise tha se falë rritjes se taksave per me te pasurit, u rindertuan shtepite e atyre qe u preken nga termeti.

“Ne e ndamë mendjen që rindërtimin do e bënim më shpejt se të tjerët dhe patjetër falas pikërisht se nuk jemi më të pasur.

Ne akuzohemi shpesh edhe në fakt për fat të keq ajo shprehja “shpif e shpif se diçka do mbetet”, edhe në këtë rast provohet të jetë e suksesshme. Se një pjesë e njerëzve janë të prirur ta besojnë më shumë gënjeshtrën se të vërtetën.

Ne akuzohemi shpesh se jemi një qeveri që mendon për më të pasurit, që mendon për oligarkët etj.

Por vetëm programi i rindërtimit, pa llogaritur të tjera është prova më kokëfortë për të kundërtën.

Sikur ne të ishim një qeveri që mendonte për të pasurit, programi i rindërtimit nuk do ndodhte kështu si po ndodh si program investimesh falë rritjes së taksave për të pasurit duke ulur deri në zero taksat për ata që kanë më pak për t’i dhënë shtëpi familjeve falas, nuk do ndodhte.

Ashtu sikundër po të ishim ne një qeveri që mendon për të pasurit e që nuk sheh me vëmendje të vazhdueshme ata që kanë më pak, nuk do ndodhte se s’do kishte shans se si të ndodhte që edhe ata që i kanë pa leje shtëpitë e tyre dhe të pa legalizueshme për shkak të pozicioneve ku ndodhen tu prishet shtëpia por tu jepet një shtëpi e re.

Ju e keni parë se çfarë ndodhi te 5 Maji, politika e shpifjes e ushqimit të sherrit e konfliktit duke keqpërdorur dhe njerëz që edhe shtëpinë e japin por votën kurrë nuk e ndërrojnë se e kanë aty te fiksimi i vjetër ngriti një furtunë sikur ne po prishnim shtëpinë e të varfërve.

Cilat shtëpi me katër e pesë kate të ndërtuara pa kurrfarë plani e leje, pa kurrfarë respekti për të tjerët rreth e rrotull?

E pastaj jo vetëm që përmbyten historikisht por përmbytin e të tjerët se janë mu në mes të shtratit të lumit. Jo.

Ama nga ana tjetër ne nuk i prishëm e nuk do vazhdojmë ti prishim për ti hedhur në rrugë ata njerëz, pavarësisht çfarë fiksimesh kanë ata me votën e tyre se ne jemi qeveria e gjithë shqiptarëve jo vetëm e atyre që votojnë për PS, për t’i çuar në shtëpi të reja pa ju kërkuar asnjë lekë. Shtëpi të ndërtuara me taksat e gjithë shqiptarëve.