Një i vdekur në Prodromos Viotias nga zjarri që ka rënë në zonë. Sipas Policisë, bëhet fjalë për një bari të moshuar (rreth 80 vjeç) i cili pasi ka marrë mesazhin e 112 ka vrapuar drejt vathës së deleve për të shpëtuar kafshët, por ka ndërruar jetë.
Siç u bë e ditur nga Zjarrfikësja, një grua ka telefonuar në qendrën operative dhe ka raportuar se menjëherë pas rënies së zjarrit, bariu është nisur për në vathën e tij.
Zjarrfikësit kanë mbërritur menjëherë në vendngjarje ku kanë gjetur të vdekur bariun e moshuar. Shkaku i vdekjes do të përcaktohet nga autopsia.
