E ardhmja e Lewis Hamilton është e paqartë për shumë vetë por jo për shefi i Mercedes, Toto Wolff.
Ai konfirmon se 7 herë kampioni i botës në Formula 1 do të vijojë të garojë për makinën gjermane.
Jo vetëm kaq, por Hamilton synon titullin e tetë kampion me Mercedes.
“Mendoj se ai ndihet shumë i fortë.
Duhet vetëm t’i ofrojmë një makinë që të jetë e aftë të fitojë titullin, një paketë fituese dhe më pas ai e di se çfarë duhet bërë”, tha Toto Wolff.
“Ai do ta fitojë titullin e tetë kampion me ne.
Nuk kam asnjë dyshim që Lewis është i motivuar për ta arritur këtë gjë me ne.
Kjo është ajo që ai dhe ne duam. Personalisht kam një marrëdhënie shumë të mirë me të dhe skuadra e do. Ka mbi 10 vjet me ne dhe do ta vazhdojmë bashkëpunimin”, u shpreh Wolff.
