Pas disa orësh në arrati, është arrestuar autori i vrasjes së 51-vjeccarit Petrit Vuksani në Shkodër. Ngjarja ndodhi rreth orës 12:15 në lagjen “Tom Kola”. Burime zyrtare nga policia bënë me dije se 34-vjeçari Lekë Vuksani, kishte dhe armën me të cilën kreu krimin në momentin e arrestimit.
Mësohet se për arrestimin e të riut ndërhyri dhe RENEA.
Grupi hetimor, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Shkodër, vijon punën për dokumentimin e plotë ligjor të këtij rasti.
51-vjeçari akuzohet se sapo ishte kthyer nga Anglia një muaj më parë. Mësohet se viktima kishte pasur debate me autorin e ngjarjes, për qiranë, pasi 34-vjeçari jetonte në banesën e 51-vjeçarit.
