Home Kronika Vrau fqinjin për gërvishtjen e makinës, dënohet me 18 vite burg autori

Vrau fqinjin për gërvishtjen e makinës, dënohet me 18 vite burg autori

Gjykata e Shkallës së parë të Elbasanit ka dënuar me 18 vite burg, Leonard Bashaliun, i cili akuzohet për vrasjen e Ylber Xhahysës pas një konflikti për makinën.

Bashaliu akuzohet për veprat penale “Vrasjes me paramendim”, “Prishje e qetësisë publike” dhe “Mbajtja pa leje dhe prodhimi i armëve, armëve shpërthyese dhe municionit”.

I dënuari u arrestua menjëherë pas kësaj ngjarje të rëndë ndërsa që prej qershorit 2021 ai ka qenë nën masën e arrestit me burg. Ngjarja ndodhi më 8 qershor 2021 në fshatin Gjoçaj të Peqinit. Autori dhe viktima kanë qenë të përfshirë në një konflikt 5 vite më parë, pasi Xhahysa i ka gërvishtur makinën Bashaliut.

Viktima dhe autori u konfliktuan fillimisht verbalisht, por që më pas degradoi edhe në përdorimin e dhunës, ku ata e goditën njëri-tjetrin me karrige e gota. Më pas Leonard Bashalliu ka nxjerrë armën duke qëlluar mbi Ylber Xhahysën dhe duke e lënë atë të vdekur.

Previous articleErërat e forta fusin në terr Vlorën, probleme me elektricitetin në disa zona
Next articleMotra e diktatorit Kim Jong-un kërcënon SHBA: Sa më shumë sanksione të vendosin ndaj nesh, aq më shumë rrezikojnë