GREQI- Xhaxhai dhe daja e 19-vjeçarit të vrarë Alkis Kampanos kanë folur në lidhje me këtë ngjarje. Cnn.gr shkruan se daja i 19-vjeçarit ka deklaruar se Alkis nuk do të harrohet kurrë dhe ka kërkuar që as njerëzit e tjerë të mos e harrojnë.
“Nuk do ta harrojmë kurrë Alkun e zemrave tona. Do të jetë gjithmonë në zemrat dhe në mendjet tona. Shpresoj që shumë të tjerë të mos e harrojnë që ngjarje të tilla të këqija të mos përsëriten”, tha daja i 19-vjeçarit.
Ndërkohë që xhaxhai i Alkis ka deklaruar se fillimisht nuk donte që të besonte se nipi i tij ka humbur jetën. Ai gjithashtu tha se dhuna e tifozëve duhet që të luftohet, pasi nëse nuk merren masa do të ketë raste ku do të mbajnë zi edhe për viktimat e tjera.
“Nuk doja ta besoja. Nuk doja ta shihja nipin tim atje, në një barelë të akullt, në një çantë. Por duhej. Kam dëgjuar që emri i tij do të vihet në rrugën ku ka ndodhur ngjarja. Kjo është një mënyrë e mirë për ta bërë këtë, sepse këta njerëz do ta kalojnë atë dhe do ta kujtojnë momentin dhe ndoshta do të mendojnë pozitivisht dhe më mirë. Alkis nuk duhet harruar. Njerëzit në pozicione kyçe duhet të ndryshojnë disa gjëra për mirë. Dhuna e tifozëve duhet të luftohet sepse ne do të mbajmë zi për viktimat e tjera. Ne nuk duhet të mbajmë zi për viktimat e tjera dhe të armatosim duart e tjera,” tha daja i Kampanos.
Si ndodhi ngjarja dhe arrestimi i 23-vjeçarit?
Mëngjesin e ditës së martë, 10 ultras të “Bicepsit të Veriut” sulmuan Alkis Kampanos dhe dy miqtë e tij. Ata janë tifozë të klubit të njohur helen AEK. 23-vjeçari goditi barbarisht me thikë 19-vjeçarin Kampanos. Ngjarja e rëndë u fiksua nga kamerat rreth vendngjarjes. Arrestimi i vrasësit u bë i mundur nga identifikimi i targave të njërës prej automjeteve të huliganëve të “Bicepsit të Veriut”. Në momentin e arrestimit thuhet se ai u përgjigjur oficerëve të policisë se nuk e ka idenë përse është arrestuar. Mediat në Greqi e konsiderojnë shqiptarin e arrestuar një nga huliganët më të rrezikshëm në vend.
