Presidentja e Kosovës, Vjosa Osmani do të vizitojë Shqipërinë në datat 4-5 shtator me ftesë të homologut Bajram Begaj.
Në datën 4 shtator, do të mbahet ceremonia zyrtare e mirëseardhjes së Osmanit në Presidencën e Shqipërisë.
Ndërsa në orën 11:40 do zhvillphet konferencë për shtyp e dy presidentëve.
Presidenti i Republikës, Sh.T.Z. Bajram Begaj do të presë me ftesë të tij në Tiranë, në një vizitë shtetërore në datat 4-5 shtator 2023 Presidenten e Republikës së Kosovës, Sh.S.Znj. Vjosa Osmani.
Më poshtë gjeni disa nga detajet e programit në Institucionin e Presidentit të Republikës, të kësaj vizite, e cila zhvillohet në një moment të rëndësishëm për dy shtetet tona dhe për rajonin.
10:00 – Ceremonia Zyrtare e Mirëseardhjes në Institucionin e Presidentit të Republikës së Shqipërisë.
Vijohet me takimin mes dy Presidentëve dhe më pas takimin e zgjeruar mes delegacioneve.
11:40 – 12:05 Konferencë për shtyp e dy presidentëve.
Përgjatë qëndrimit në Shqipëri, Presidentja Osmani ka parashikuar edhe takime të tjera të nivelit të lartë.
