Home Sport Vetëm 18 vjeç, Barcelona gjen “Messin e ri” në Argjentinë. I vendos...

Vetëm 18 vjeç, Barcelona gjen “Messin e ri” në Argjentinë. I vendos klauzolën 400 milionë euro

Një marrëveshje në perspektivë e përcaktuar nga Barcelona. Blaugranët kanë kompletuar nënshkrimin e sulmuesit 18-vjeçar Lucas Roman nga Ferro Carril Oeste. Katalanasit konfirmuan suksesin e operacionit përmes një deklarate që u shfaq në faqen e tyre zyrtare:

“Barcelona dhe klubi Ferro Carril Oeste kanë arritur marrëveshje për transferimin e lojtarit argjentinas, i cili do të nënshkruajë deri më 30 qershor 2026 me një klauzolë lirimi prej 400 milionë eurosh”.

Futbollisti kushtoi 1.2 milionë euro, plus 15% për rishitjen e ardhshme. Ai ka nënshkruar një kontratë 3-vjeçare me futjen e një klauzole monstruoze lirimi prej 400 milionë eurosh. I linduri më 2004, me nofkën ‘El Pocho’, fillimisht do të grumbullohet në ekipin ‘B’, të drejtuar nga Rafa Marquez.

Për kanalet zyrtare Blaugrana, talenti i ri i Albiceleste dha deklaratat e para pas nënshkrimit: “Jam shumë i emocionuar dhe do të jap gjithçka. Ndihem i privilegjuar që jam këtu”. Natyrisht, mëngjarashi Roman pëlqen të lëvizë në të gjithë frontin sulmues dhe, mbi të gjitha, po përgatitet të bëhet xhevahiri i ri i ngjyrave Blaugrana.

Previous article“Bonusi i rijetësimit” për vitin 2022 mbështeti 40 projekte në vend
Next articleU bllokua nga bora, hapet Rruga e Arbrit. Prej 3 ditësh disa fshatra pa drita në Dibër, shumë familje bëjnë apel për ndihmë