Vendimi i Apelit as nuk e bashkon as nuk e përçan më tej PD-në. PD-ja është mjaftueshmërisht e përçarë dhe palët janë thellësisht larg njëra-tjetrës.
Vendimi është për t’u përshëndetur, jo për produktin që dha, sepse ai ishte vendim i pritshëm dhe i kuptueshëm edhe nga profanët e ligjit, por për atë se trupa gjykuese nuk u ndikua as nga presioni i pushtetit, që i interesonte një tjetër vendim, as nga ai i revolucionit, që edhe pas shpalljes “non grata” vijon të tregojë se sa i drejtë ka qenë vendimi i Departamentit Amerikan të Shtetit, por u ndërtua vetëm mbi fakte dhe prova.
Dhe ishte e qartë si drita e diellit, që çdo hap i “Foltores” ka qenë thjesht revolucionar, pra jo ligjor.(Namir Lapardhaja)
