Në Univesitetin e “Ismail Qemali” në Vlorë janë konfirmuar 3 raste të reja me koronavirus e për këtë shkak është mbyllur kati i parë dhe i dytë i godinës së këtij Universiteti.
Ndërkohë për shkak të infektimit të tre personave në këtë universitet, 10 të tjerë që kanë pasur kontakte me të infektuarit, janë karantinuar derisa të kenë rezultatin e tamponit për COVID-19. Bëhet e ditur se edhe departamenti i biologjisë pranë këtij universiteti është mbyllur ndërsa godina pritet të dezinfektohet.
