Policia ka dhënë detaje në lidhje me të shtënat me armë zjarri gjatë natës në zonën e Lundrës në kryeqytet. Uniformat blu bëjnë me dije se shenjat e plumbit janë konstatuar ditën e sotme ndërkohë që dyshimet janë se të shtënat janë regjistruar gjatë orëve të natës.
Tashmë po punohet për kapjen e autorit si dhe zbardhjen e plotë të kësaj ngjarje.
Njoftimi i policisë
Më datë 26.03.2023, në Lundër, në fasadën e katit të tretë të një banese janë konstatuar shenja plumbi, dhe paraprakisht dyshohet se është qëlluar gjatë natës nga një person ende i pa identifikuar. Po punohet për identifikimin dhe kapjen e autorit.
Materialet i kaluan Prokurorisë, për veprime të mëtejshme procedurale.
