Home Kronika Të dënuar për vrasje, ekstradohen nga Greqia dhe Belgjika dy shqiptarët

Të dënuar për vrasje, ekstradohen nga Greqia dhe Belgjika dy shqiptarët

Dy shtetas shqiptarë të shpallur në kërkim për vrasje janë ekstraduar drejt Shqipërisë.

Mariglen Përgjini u ekstradua nga Belgjika, i dënuar me 18 vite burg për veprat penale “Vrasja me dashje” dhe “Prodhimi dhe mbajtja pa leje e armëve, armëve shpërthyese dhe e municionit luftarak”.

Gjithashtu, Gjykata e Rrethit Gjyqësor Mat e ka dënuar Përgjinin me 3 vjet e 4 muaj burgim, për veprën penale “Prodhimi dhe shitja e narkotikëve”, dënim i cili është konvertuar më pas në shërbim prove.

Nga Greqia është ekstraduar shtetasi Eraldo Memaj, i dënuar gjithashtu për vrasje e mbetur në tentativë.

Gjykata e Apelit Shkodër e ka dënuar këtë shtetas me 11 vjet burgim, për veprat penale “Vrasja me dashje”, mbetur në tentativë dhe “Prodhimi dhe mbajtja pa leje e armëve, armëve shpërthyese dhe e municionit luftarak”. Ky shtetas në vitin 2013, në Pukë, për motive të dobëta ka tentuar të vrasë me armë zjarri shtetasin P. V.

Previous articleArrestohet shqiptari i shumëkërkuar në vendin fqinj, ja për çfarë akuzohet
Next articleGjendet makina e Matteo Messina Denaro, lexonte biografinë e Hitlerit dhe Putinit, çfarë kishte në plan të bënte