Kryeministri i Kosovës, Albin Kurti ka raportuar në Kuvend në lidhje me takimin që pati me presidentin e Serbisë, Aleksandër Vuçiç më 18 mars në Ohër. Gjatë fjalës së tij në foltore, Kurti tha se tashmë ka një dokument të ri që duhet shfrytëzuar sa më mirë dhe shtoi se është një armë e fuqishme për Kosovën.
“Tani kemi një dokument të ri në dorë dhe duhet ta shfrytëzojmë sa më mirë. Kemi një dokmuent të ri që ka qenë i paarritshëm më herët, kjo është armë e fuqishme për ne për të ecur përpara. Me dokumentet e mëparshme kemi ngecur, me këtë dokument mund të ecim”, theksoi ai.
