Ish-eurodeputetja greke, Eva Kaili, e akuzuar për skandalin “Qatargate” është liruar nga regjimi i përgjimit elektronik dhe tashmë është e lirë me kushte kufizuese.
Kaili u arrestua për herë të parë më 9 dhjetor, e akuzuar për përfshirje në korrupsion dhe pastrim parash dhe u transferua në burgun Haren, i cili ndodhet në periferi të Brukselit.
Arrestimi i saj nxori në dritë një hetim mbi një skemë që përfshin shuma “të mëdha” parash dhe dhurata “të rëndësishme”, që dyshohet se janë paguar nga Katari dhe Maroku për të ndikuar në politikëbërjen evropiane. Të dy vendet mohojnë çdo akuzë.
