I dërguari i posaçëm i Bashkimit Evropian për dialogun Kosovë-Serbi, Mirosalav Lajçak deklaron se marrëveshja e marsit në Ohër ishte një moment historik për normalizimin e marrëdhënieve në mes të Kosovës dhe Serbisë.
Në një intervistë për gazetën austriake “Kurier”, ai deklaroi se rrugës ka pengesa, duke përmendur kështu edhe zgjedhjet e prillit, zgjedhje këto që u mbajtën në katër komuna me shumicë serbe.
Lakçak tha se aktualisht fokusi i BE-së është tek menaxhimi i krizës e jo tek normalizimi.
Qeveria e Kosovës tashmë ka ulur për 25 për qind praninë e forcave policore në ndërtesat komunale dhe është pajtuar të mbështesë mbajtjen e zgjedhjeve të reja në veri. Tensionet u rritën në fund të muajit maj kur kryetarët shqiptarë të komunave veriore të Kosovës, morën detyrën me mbështetjen e policisë pas zgjedhjeve lokale të muajit prill të cilat u bojkotuan nga serbët.
