Stiven Shpendi është nga talentet më premtues që po rritet në Itali.
Me dopietën e shënuar së fundmi, sulmuesi shqiptar shkon në kuotën e 11 golave në Serinë C.
Sirenat e Serisë A kanë nisur të bien prej disa kohësh për futbollistin e Çezenës, por tashmë interesimet po bëhen më konkrete.
Napoli, Milani dhe Sasuolo janë ndër ekipet e interesuar për Shpendin, por jeshilzinjtë kanë menduar të hedhin një hap përpara në sigurimin e kartonit të lojtarit të Kombëtares U21.
Mediat italiane raportojnë se Sasuolo është e gatshme të ofrojë 3 milionë euro për 19-vjeçarin shqiptar, i cili do të jetë nën urdhërat e Alban Bushit për përballjet ndaj Azerbajxhanit U21 dhe Polonisë U21.
