Home Aktualitet Shtyhet me disa orë udhëtimi nga Porti i Durrësit drejt Barit, shkak...

Shtyhet me disa orë udhëtimi nga Porti i Durrësit drejt Barit, shkak moti i keq

Për të gjithë pasagjerët që kishin planifikuar udhëtimin me traget nga Porti i Durrësit drejt Barit, udhëtimi është shtyrë me disa orë. Lajmi është bërë me dije nga Kapiteneria, ku bëjnë me dije se shkak janë bërë kushtet e vështira të motit.

“Njoftojmë të gjithë pasagjerët që kanë rezervuar biletat për të lundruar me traget mbrëmjen e sotme drejt Barit(Itali) se për shkak të kushteve të vështira të motit, nisja nga Porti i Durrësit do të bëhet me disa orë vonesë.

Kompanitë e lundrimeve do të respektojnë të gjitha detyrimet që lindin nga kjo vonesë, prandaj për çdo informacion mund të kontaktoni me to. Ju falenderojmë për mirëkuptimin dhe sapo të kemi një njoftim për normalizimin e situatës, do e bëjmë të ditur në vijim”, thuhet në njoftim.

Prej pak ditët, vendi ynë është përfshirë nga mot me erë të fortë dhe shira, që pritet të zgjasë deri në fund të nëntorit.

Previous articleSali Berisha nuk iu “turpëron” Shqipërinë me protestën kundër BE më 6 dhjetor
Next articleProtesta që prishi planin e vrasjes në heshtje të opozitës