Home Kuriozitete Shpiket xheli që mund te krijojë ujë (pothuajse) nga asgjëja

Shpiket xheli që mund te krijojë ujë (pothuajse) nga asgjëja

Ekziston një xhel që mund të krijojë ujë (pothuajse) nga asgjëja: ai u shpik nga studiues në Universitetin e Teksasit, të cilët sigurojnë që ai është një produkt i lirë dhe i lehtë për t’u përdorur. Komponenti, i bërë vetëm nga celuloza dhe goma nga Konjac, është në gjendje të nxjerrë ujin nga ajri falë kombinimit të vetive të dy elementëve, njëri poroz dhe tjetri ujë largues.

Aspekti interesant i shpikjes është sasia e ujit që mund të merret: vetëm me një kilogram produkt është e mundur të përftohen deri në 13 litra me një lagështirë shumë të ulët, e barabartë me 30. Rezultatet e studimit u publikuan në Nature Communications.

Mbi dy miliardë banorë të planetit tonë pinë nga burime të kontaminuara, duke kontraktuar sëmundje shpesh fatale dhe mbi një miliard njerëz nuk kanë akses në burimet e ujit të pijshëm: një emergjencë globale që duhet adresuar sa më shpejt të jetë e mundur.

Ideja pas xhelit Teksan nuk është e re. Dy mijë vjet më parë, inkasit kapën ujin nga mjegulla me rezervuarë, dhe kohët e fundit disa kompani kanë prezantuar zgjidhje inovative për të shndërruar avujt e ujit në ujë të pijshëm: ndër to aparati Tsunami Products, i cili pastron ajrin dhe konverton avullin në ujin e pijshëm, ose Fontus, shishja që mbushet me ujë gjatë pedalimit ose falë energjisë diellore. Megjithatë, këto sisteme prodhojnë pak, ose konsumojnë shumë energji elektrike, ose janë shumë të rëndë ose ende kërkojnë nivele shumë të larta lagështie dhe për këtë arsye nuk mund të përdoren në vendet që kanë më shumë nevojë për të.

Përbërja e shpikur kombinon dy elementë të lirë dhe të zakonshëm: celulozën, e cila vjen nga bimët dhe gomën Konjac, një trashës që përdoret në gatim. Struktura poroze e gomës Konjac ndihmon për të kapur lagështinë e ajrit ndërsa celuloza, kur nxehet, çliron ujin e kapur falë cilësive të saj kundër ujit. Bashkimi i këtyre dy elementeve siguron që i gjithë procesi të kryhet me shumë pak konsum energjie. Pasi xheli të jetë liofilizuar në një kallëp, ai mund të shkëputet dhe përdoret menjëherë.

Efikasiteti i xhelit është mbresëlënës: me një lagështi ajri prej vetëm 15% – e barabartë me atë të shkretëtirës – është në gjendje të marrë mbi 6 litra ujë për çdo kilogram produkt; me një lagështi prej 30% efikasiteti rritet në 13 litra ujë / kg. Mbi 70% e ujit të kapur në këtë mënyrë lirohet në vetëm dhjetë minuta, duke e ngrohur xhelin në rreth 60 ° C.

Kur përdoret dhe ruhet siç duhet, xheli mund të zgjasë me muaj në mjedise me lagështi relativisht të ulët (më pak se 40%). Çështja ndryshon në mjedise më të lagështa: “Nëse filmi i xhelit është shumë i hollë dhe nxjerr shumë ujë në një kohë të shkurtër, struktura mund të ndryshohet”, shpjegon Youhong Guo, koordinatori i studimit duke theksuar se mund të zgjidhet problemi duke optimizuar ciklet e përdorimit dhe duke liruar lëngun e kapur përpara se xheli të jetë i ngopur. FCS