Home Maqedonia Shkup, shqiptarët protestuan kundër Daçiçit

Shkup, shqiptarët protestuan kundër Daçiçit

shkupStudentë shqiptarë sot pasdite në Shkup kanë protestuar kundër vizitës së kryeministrit serb Ivica Daçiq në Maqedoni.

Qindra studentë dolën pranë përmendores së Hasan Prishtinës në Shkup në shenjë revolte kundër kryeministrit serb.

Kushtrim Alla, përfaqësues i shoqërisë studentore dhe civile theksoi për INA se janë spontanisht për të shprehur revoltën për ardhjen e kryeministrit serb në Shkup dhe veprimet e mesazhet e tij represive, raciste dhe gjenocidale kundër shqiptarëve.

“Jemi mbledhur sot këtu shoqëria civile dhe studentore e shqiptarëve të Maqedonisë për të shprehur revoltën kundër vazhdimësisë së politikës mesjetare serbe, gjë që shihet qartë nga ardhja e kryeministrit serb Ivica Daçiç në Maqedoni me rastin e një feste fetare! Një gjë e këtillë aplikohej gjatë shekullit XIX kur nëpërmjet keqpërdorimit të religjionit realizoheshin projekte të shumta jocivilizuese dhe antishqiptare”, theksoi për INA, Kushtrim Alla.

Sipas tij, protesta para monumentit të Hasan Prishtinës tregon se gjërat kanë ndryshuar dhe se shqiptarët veçanërisht pas luftërave çlirimtare në Maqedoni, Kosovë dhe Luginën e Preshevës janë faktor kyç në vendimmarrje dhe nuk u frikësohen politikave jocivilizuese që do tentojë ti realizojë faktori politik serb.

“Kjo vizitë e Daçiqit për ne paraqet vetëm një tentativë e destinuar për dështim politik“, deklaruan studentët. Protestuesit kishin shpalosur flamurin gjigant Kuq e Zi, portretet e Skënderbeut, Ismail Qemalit, Adem Jasharit si dhe fotografinë e kryqëzuara të kryeministrit serb.

Previous articleMagdalena Frackowiak, modelja “hot” e “Victoria Secret”
Next articleIvanov do të mbajë ligjëratë në Universitetin Xhorxhtaun në Dohë