Home Humor Satirike/ Nderi dhe turpi

Satirike/ Nderi dhe turpi

 

Morën sulm ushtarët

Dikur në një fshat,

N’mungesë të burrave

T’i dhunojnë gratë!

 

Pasi i dhanë fund

Aksionit me porosi,

U kthyen n’kazerma

Me turpin e zi!

 

Dolën nga shtëpitë

Gratë e grisura, duke qarë…

Përveç njërës heroinë

Më kokën e ushtarit t’vrarë!

 

Ajo bëri rezistencë

Duke shfaqur trimëri,

Sa me gëzim i ndrinin

Sytë e mbushur krenari!

 

Desh u çmendën gratë e tjera

Nuk e kishin aq kollaj,

Kur e shihnin bashkëfshataren

Si krenohej me nderin e saj!

 

Kishin frikë kur t’kthehen burrat

Do të tregoj për këtë trimëri,

Ndaj vendosën që ta vrasin

Për ta zhdukur këtë ndodhi!

 

-E vranë nderin, të rroj turpi!

Thotë rrëfimi fiks fare…

Ndaj mesazhi i satirës

Na tingëllon ashiqare!

 

Nuk luftohet korrupsioni

Me zyrtarë të korruptuar,

Ato zhdukin e bllokojnë

Çdo provë të dëshmuar!

 

Me këto vese primitive

S’na shkon mbarë shoqëria,

Deri sa të korruptuarit

Vrasin nderin, t’rroj hajnia!

 

Sevdail Hyseni

(Satira është bazuar  nga një rrëfim “Judith me kokën e Holofernes” i Giovanni Batista Salvi, 1639…..Karikatura marrë nga interneti)