Një 16-vjeçar ka mbetur i lënduar pasi është rrëzuar nga trampolina duke luajtur në Liqenin e Ohrit.
Mësohet se i mituri është dërguar me urgjencë në spital për ndihmë mjekësore, ndërsa fatmirësisht është jashtë rrezikut për jetën.
Njoftimi i policisë:
Mbrëmjen e sotme, në lagjen nr. 1, Pogradec, një 16-vjeçar duke luajtur, është rrëzuar aksidentalisht nga trampolina, në liqenin e Ohrit, Pogradec. Ky shtetas u transportua në spital për ndihmë mjekësore, ku ndodhet jashtë rrezikut për jetën.
Grupi hetimor po punon për sqarimin e rrethanave të ngjarjes.
