DRTK Shkodër, në bashkëpunim me Misionin Shqiptaro-Francez, ka realizuar zëvendësimin e paneleve informuese dhe sistemimin e riparimin e të gjithë sinjalistikës orientuese në territorin e Vendbanimit të Komanit.
Falë punës së projektit kërkimor të Misionit Shqiptaro-Francez, vit pas viti, po dalin në dritë gjurmë dhe dëshmi të reja datuese mbi këtë vendbanim, eponim i një qytetërimi të rëndësishëm arkeologjik në rajonin e Ballkanit Perëndimor dhe Adriatik.
Ndërkohë, që tani të shumtë janë vizitorët që i drejtohen Luginës së sipërme të Drinit që duan të njihen me një nga sitet më të rëndësishme të mesjetës së hershme, Venbanimin e Komanit dhe pamjen magjepsëse që të ofron Lugina e Drinit.
