Së shpejti biblioteka së vjetër do t’i kthehet funksionit te saj. Mijëra libra të depozituar për dekada me radhë do të jenë të aksesueshëm për lexuesit. Kjo bibliotekë vjen me një organizim tërësisht të ri, ku të ndara sipas letërsive, por edhe periudhave kohore, çdokush do të mund të ketë në dorë fizikisht librat. Lajmi është bërë me dije nga drejtor i Bibliotekës Kombëtare, Piro Misha gjatë një prononcimi për mediat. “Këto kanë qenë kryesisht libra të sekuestruara pas Luftës së Dytë Botërore nga regjimi komunist pjesa më e madhe e të cilave nuk kanë pasur kurrë kontakt me lexuesin. Kështu që është dhe një pjesë e historikut sepse janë libra që tregojnë lidhjen tonë me Europën, lidhjet tona me botën intelektuale. janë dy dimensione këtu, dimensioni i parë që janë libra që vihen në dispozicion të librit me një sistem të ri që janë fondet e hapura dhe dyta është që këtu do jetë një laborator mjaft modern për restaurimin e tyre”, deklaroi ai. më tej zoti Misha theksoi se ambientet do të jenë të hapura për të gjithë lexuesit, por siç tha ai, pa patur mundësi për t’i marrë me vete botimet jashtë bibliotekës. “Kjo është në model i ri bibliotekar, çdokush mund të prekë librin me dorë por libri do të ketë një chip. Do kombinohen librat muzeal dhe historik me librat e rinj. Do të bashkëpunojmë me një sërë ambasadash për të mos qenë vetëm një pjesë muzeale e ngrirë por të jetë në shërbim të lexuesit”, u shpreh ai. Ndërsa biblioteka kombëtare vuan ende nga mbingarkesa për shkak të mungesës së hapësirave, ky ambient ri sërësh nuk ndihmon në këtë ngërç, shtoi zoti Misha. “Këtu janë libra që ishin këtu, si një lloj magazine. Pjesa dërrmuese ka qenë e mbyllur. Por ky është vetëm një aneks i bibliotekës kombëtare pasi fondi kryesor i librave është atje”, nënvizoi drejtor i Bibliotekës Kombëtare, Piro Misha. Kujtojmë se biblioteka e vjetër është një ambient, i cili i shtohet kryeqytetit dhe lexuesve qe prej kohësh e kanë ndjerë mungesën e një institucioni të dedikuar librit.
Home Kulture Rihapet biblioteka e vjetër, botimet të aksesueshme për lexuesit, drejtori Piro Misha...