Është restauruar filmi i njohur shqiptar “Koncert në vitin 1936”. Lajmin e ka dhënë Kryeministri Edi Rama, i cili ka ndarë edhe linkun e filmit të restauruar.
Në një status në rrjetet sociale, Rama thekson se, filmi me regji të Saimir Kumbaros e skenar të Kiço Blushit është shpëtuar nga çngjyrosja pa kthim.
Sipas kreut të qeverisë, tashmë filmi është restauruar mjeshtërisht duke e bërë të pavdekshme lojën mbresëlënëse të Robert Ndrenikës, Mirush Kabashit, Margarita Xhepës e me radhë.
“MIRËMËNGJES
dhe me njoftimin e shpëtimit nga çngjyrosja pa kthim e filmit “Koncert në vitin 1936”, me regji të Saimir Kumbaros e skenar të Kiço Blushit, tanimë i restauruar mjeshtërisht duke e bërë të pavdekshme lojën mbresëlënëse të Robert Ndrenikës, Mirush Kabashit, Margarita Xhepës e me radhë, ju uroj një ditë të mbarë.
Filmi i restauruar https://youtu.be/ZX5D_-w4ZuE.”–shkruan Rama.
