Home Ekonomia Reshjet përmirësojnë ndjeshëm kuotat në Fierzë, niveli arrin në 278 metra

Reshjet përmirësojnë ndjeshëm kuotat në Fierzë, niveli arrin në 278 metra

Brenda pak ditëve niveli i ujit në kaskadën e Drinit ka pësur një rritje të ndjeshme.

Sipas të dhënave rezulton se në Fierzë ujit ka arritur në 278 metra, 11 metra më tepër nëse e krahasojmë me peirudhën para reshjeve. Edhe pse gjatë së enjtes shirat janë pakësuar, prurjet vijojnë të mbeten të mëdha.

Në Fierzë prurjet përllogariten në rreth 950 metër kub në selond. Edhe në hidrocentralin e Komanit ku po prodhohet me kapacitet të plotë, niveli ka pësuar rritje duke prekur nivelin e 173.5 metra. Ndërsa në Vaun e Dejës kuota është 74 metra.

Korporata Elektro-energjitike Shqiptare ka kërkuar të depozitojë energji elektrike në vendet e rajonit në sasinë e 10 mijë megavatorëve për periudhën 24-26 nëntor. Sasia e energjisë kërkohet që në qershor të vitit 2023 e cila njihet si një periudhë me pak reshje.

Korporata Elektroenergjetike Shqiptare tashmë plotëson nevojat e vendit për furnizim me energji elektrike. Sipas parashikimeve meteorologjike reshjet intensive të shiut pritet të vijojnë edhe në javët e ardhshme të muajit nëntor .

Menaxhimi i kaskadës dhe shkarkimet ka shkaktuar debate politike ditët e fundit. Por kryeministri Edi Rama theksoi në Parlament se shkarkimet janë mirmënaxhuar nga ekspertët dhe këtë e tregon sipërfaqja e vogël e përmbytur. /abcnews.al/

Previous article“Të paudhë e sharlatanë”, Salianji i përgjigjet ashpër kryeministrit: Afera e Portit të Durrësit e bëri Ramën të ishte i ndyrë, pëlliste me të madhe. Veprat e tij, ministrat që përfunduan në burg
Next articleGruaja humbi telefonin në det, e gjen pas një viti dhe punon në mënyrë perfekte