Home Politike “Rama mban peng zbatimin e vendimit të gjykatës për PD”, Berisha: Nuk...

“Rama mban peng zbatimin e vendimit të gjykatës për PD”, Berisha: Nuk lejon kancelarin të…

Kryetari i Partisë Demokratike, Sali Berisha ka deklaruar se forca politike që ai drejton është e përgatitur për në zgjedhjet e 14 majit.

Berisha akuzoi Edi Ramën se po mban peng zbatimin e vendimit të 25 marsit 2022 të gjykatës së Tiranës, për zbardhjen në regjistrim e shoqatave dhe partive politike, të ndryshimeve në Partinë Demokratike.

‘Unë mendoj se opozita në këto zgjedhje, vjen më e përgatitur se kurrë më parë, sepse vjen pas një procesi primaresh, një përzgjedhje në mënyrën më transparente të kandidatëve të saj për kandidatët e saj për bashkitë e vendit. Dhe kjo përbën forcën më të madhe të opozitës.
Natyrisht opozita ndodhet para një akti të paimagjinueshëm. Cili është ai? Në çdo shoqëri të lirë, njerëzit janë të lirë të krijojnë shoqata dhe parti politike. Në shoqëritë e lira, regjistrimi i shoqatave dhe partive politike bëhet në gjykatë, për tu garantuar një lloj pavarësie nga ekzekutivi. Në diktatura regjistrimi bëhet në ministritë e drejtësisë. Ne kemi pasur në diktaturë shoqatën e kardiologjisë e cila kishte statutin dhe ishte e regjistruar në ministrinë e Shëndetësisë. Në përputhje me këtë ligj universal, PD e mbledhur në 11 dhjetor 2021 ka bërë ndryshime statutore, ka bërë ndryshimet e saj dhe siç e kërkon ligji, këto ja ka dërguar gjykatës. Gjykata pas një shtyrje, ka vendosur me 25 mars rregullsinë dhe pajtushmërinë me legjislacionin shqiptar se gjithçka është në përputhje me ligjet. Kudo ky vendim shkon automatikisht në regjistrin e partive dhe shoqatave politike.

Çfarë ka ndodhur? Edi Rama mban peng këtë vendim në mënyrë të paimagjinueshme nga 25 marsi i 2022 e deri më sot. Nuk lejon kancelarin të regjistrojë në regjistër vendimin. Është njësoj sikur ky akt të kryhej në një ministri dhe shefi i ekzekutivit të urdhëronte mos zbatimin.
Ky vetëm me kancelarin që nuk e lejon të zbatojë atë rregull universal, ky mban peng vendimin e gjykatës për të regjistruar forcën kryesore politike opozitare të vendit.
Edi Rama më tej ka urdhëruar shpalljen palë të një tjetri që nuk ishte kurrë palë në proces dhe kjo është një akt tmerrësisht i rëndë, i paimagjinueshëm që nuk mund të ndodhë, sepse çdo ndërgjygjësi ka palët dhe për këtë vendim përveç nesh që ishim palë, njeri mbi tokë nuk mund të bëhet palë.
Po secili nga ju të tre që jeni këtu ka të drejtë, nëse disponon dokumente dhe të dhëna të shkojë e të hapë në gjykatë një proces tjetër, se kjo palë ka mashtruar, por jo të bashkëngjitet pa qenë palë, se kjo rrëzon çdo vendim gjyqësor’, tha kreu i PD-së, Sali Berishë në Syri TV.

Previous articleNdarja nga jeta e mjekut Isuf Kalo/ Meta mesazh ngushëllimi: Shembull i misionarit dhe intelektualit, përfaqësonte vlera të mëdha humanizmi
Next articleEvi Kokalari: Sot përfundimisht Berisha më ka kundër, po na çon në humnerë