Home Bota Raketat ruse vërshojnë mbi Ukrainë! A është vërtet gati Putin për bisedime?!

Raketat ruse vërshojnë mbi Ukrainë! A është vërtet gati Putin për bisedime?!

Presidenti rus Vladimir Putin ka pohuar dje se Moska është e gatshme për bisedime për t’i dhënë fund luftës 10-mujore në Ukrainë, ndërsa ai kritikoi vendet perëndimore për përpjekjen për të “shqyer Rusinë historike”.

Komentet e Putinit, të transmetuara të dielën, erdhën në mes të bombardimeve të vazhdueshme ruse të qyteteve të Ukrainës, duke përfshirë rajonet Kharkiv dhe Zaporizhia dhe u hodhën poshtë menjëherë nga një zyrtar i lartë në Kiev.

Shtetet e Bashkuara gjithashtu e kanë përshkruar më parë qëndrimin e Putinit si të pasinqertë për shkak të sulmeve të vazhdueshme.

Në intervistën e transmetuar në televizionin e Moskës Rossiya 1, Putin tha, “ne jemi gati të negociojmë me të gjithë të përfshirët për zgjidhje të pranueshme”. Por “kjo varet nga ata, nuk jemi ne ata që refuzojmë të negociojmë, janë ata,” tha ai.

Një këshilltar i presidentit ukrainas Volodymyr Zelensky, megjithatë, tha se Putini duhej të kthehej në realitet dhe të pranonte se ishte Rusia ajo që nuk dëshironte bisedime.

“Rusia e vetme sulmoi Ukrainën dhe po vret qytetarë”, shkroi në Tëitter këshilltari, Mykhailo Podolyak.

“Rusia nuk dëshiron negociata, por përpiqet të shmangë përgjegjësinë”.

Putin urdhëroi pushtimin e Ukrainës më 24 shkurt, me qëllimin e deklaruar për të rrëzuar të ashtuquajturin “regjim neo-nazist” në Ukrainë, duke shkaktuar konfliktin më vdekjeprurës evropian që nga Lufta e Dytë Botërore dhe konfrontimin më të madh midis Moskës dhe Perëndimit që nga viti 1962.

Previous articleDasma përfundon me gjakderdhje në Kamëz/ Plagosi kushëririn, autori: Më kishte borxh 500 Euro
Next articleTensionet në veri, media franceze: Përkeqësohen marrëdhëniet mes dy vendeve. Serbia dërgoi shefin ushtarak në kufirin me Kosovën