Home Kronika Policia publikon të shpallurit në kërkim: Ja kush janë 2 vrasësit të...

Policia publikon të shpallurit në kërkim: Ja kush janë 2 vrasësit të dënuar me burgim të përjetshëm

Policia e Shtetit ka bërë publike identitetet dhe fotografitë e dy personave të shpallur në kërkim, dënuar me burgim të përjetshëm.

I dënuari me burg përjetë Gleron Jahjolli

Në datën 23 tetor 2001, në dalje të fshatit Menkulas, Devoll, shtetasi Gleron Jahjolli, në bashkëpunim me shtetasin E. J., ka qëlluar me breshëri automatiku në drejtim të një automjeti, brenda të cilit ndodheshin 3 shtetas, konkretisht shtetasi A. N. (drejtuesi i mjetit, i cili mbeti i vdekur) dhe pasagjerë shtetasit J. K. dhe R. N.

Gleron Jahjolli është dënuar me burgim të përjetshëm nga Gjykata e Rrethit Gjyqësor Korçë, për veprat penale “Vrasja në rrethana cilësuese kundër dy ose më shumë personave, kryer në bashkëpunim” dhe “Armëmbajtja pa leje”.

I dënuari me burg përjetë Fran Prendi

Në datën 9 mars 1992, në vendin e quajtur “Rezervuari  i qytetit”, Pukë, shtetasi Fran Prendi ka vrarë për motive të dobëta shtetasin H. B. Shtetasi Fran Prendi është dënuar me burgim të përjetshëm nga Gjykata e Rrethit Gjyqësor Pukë, për veprën penale “Vrasja me dashje, për motive të dobëta”.

SOURCEBulevard News
Previous articleKreu i Parlamentit Europian nis sot vizitën në Tiranë, ja axhenda 2-ditore
Next articleDeklarata amerikane, një leje më shumë drejt vendosjes së regjimit