Shërbimi Meteorologjik Ushtarak bëri të ditur se, për ditën e Enjte vendi ynë do të vijojë të jetë nën ndikimin e kushteve atmosferike qëndrueshme.
Moti parashikohet i kthjellët në të gjithë territorin përjashtuar vranësirat kalimtare në relievet malore të vendit. Këto vranësira në këto relieve do të shoqërohen me reshje shiu sporadike dhe të dobta.
Era do të fryjë me drejtim nga verilindje – veriperëndim me shpejtësi mesatare 1-8m/s, ndërsa në bregdet dhe lugina era intensive dhe shpejtësi 10-15m/s. Valëzimi në dete do të jetë i forcës 1-2 ballë.
