Sot moti i kthjellët dhe i ftohtë do të dominojë në të gjithë vendin gjatë orëve të paradites. Ndërsa pasditja do të sjellë kalime vranësira nëpër territor, më të dukshme në zonat veri-verilindore të vendit. Sipas MeteoAlb , temperaturat e ajrit rriten lehtë në vlerat minimale por mbeten konstante në vlerat maksimale duke bërë që ekstremumet ditore të luhaten nga -12°C deri në 6°C.
Era do fryjë e lehtë dhe mesatare me shpejtësi 35 km/h nga drejtimi Lindor-Verilindor duke krijuar në det dallgëzim 3 ballë.
Kosova
Alternime kthjellimesh dhe vranësira të lehta dominojnë në të gjithë vendin deri në mesditë, kur kthjellimet bëhen mbizotëruese.
Maqedonia e Veriut
Paraditja paraqitet e kthjellët por e ftohtë, por mesdita dhe pasditja sjellë kalime vranësirash.
Rajoni dhe Evropa
Brigjet e Detit të Zi, Evropa qendror dhe ajo veriore mbeten me vranësira, dhe reshje shiu e dëbore. Por ndryshe paraqitet situata për Rajonin e Mesdheut dhe Evropën Lindore ku moti i kthjellët dhe temperaturat e ulëta do jenë dominuese.
