Pamjet e kapura në podiumin e dhënies së çmimeve në stadiumin e Sidneit treguan momentin kur Rubiales e puthi atë në buzë duke i mbajtur kokën. Të marra nga mediat spanjole, imazhet u përhapën shpejt në rrjetet sociale, duke gjeneruar kritika të shumta për Rubiales.
Në deklaratat e dërguara më pas në shtyp nga Federata, ajo shpjegoi se ishte “një gjest krejtësisht spontan për shkak të gëzimit të pamasë të gjeneruar nga fitorja në Kupën e Botës.
“Presidenti dhe unë kemi një marrëdhënie të shkëlqyer, sjellja e tij me ne ishte perfekte dhe ishte vetëm një gjest dashurie dhe mirënjohjeje,- tha lojtarja. “Ishte një gëzim spontan, i cili u shfaq në këtë mënyrë. Të dy janë miq shumë të ngushtë”, tha një burim i Federatës.
Spanja fitoi Kupën e Botës për Femra, të organizuar nga Australia dhe Zelanda e Re, pasi mundi Anglinë 1-0 (1-0) në finale në “Stadium Australia” në Sydney të dielën. Golin e vetëm të ndeshjes e shënoi Olga Carmona Garcia (29’).
Spanja, vetëm në pjesëmarrjen e tretë në Kupën e Botës, edicionet 2015 dhe 2019, humbi edhe një penallti në ndeshjen kundër kampioneve në fuqi të Evropës, Anglisë, edhe ishte Jenifer Hermoso (70’) ajo, gjuajtja e së cilës u ndalua nga Mary Earps.
