Home Bota “Pamë njerëz në shok, ishte drithëruese”, rrëfehen efektivët e ekipit të kërkim...

“Pamë njerëz në shok, ishte drithëruese”, rrëfehen efektivët e ekipit të kërkim shpëtimit në Turqi

Efektivët e ekipit të kërkim shpëtimit që dhanë ndihmën e tyre pas tërmetit shkatërrues në Turqi, me pasojë mijëra të vdekur, ndanë përjetimet dhe vështirësitë me të cilat u përballën atje.

“Lajmin për tërmetin e mësuam në orët e para të mëngjesit të së hënës, përmes rrjeteve sociale dhe medias. Nuk kaloi shumë kohë dhe u njoftuam nga institucioni që do krijohet një grup gatishmërie që do të niset për në Turqi, për dhënien e ndihmës edhe nga ana shëndetësore vec asaj ushatarake.

Duke qenë se kam jetuar për 7 vite në Turqi, kam përfunduar studimet atje, Turqinë e kam parë gjithmonë si një vend mikpritës dhe plot jetë, por ajo që pamë ishte e kundërta.

Pamë ndërtesa në tokë, njerëz në gjendje shoku, ishte një pamje drithëruese për të gjithë ne” – shprehet n/toger Hygerta Ilnica, pjesë e ekipit shëndetësor të FA.

Për majorin Endrit Cungu, puna u nda në grupe menjëherë aps mbërritjes në terren.

“Vijuam menjëherë operacionin. Gjatë rrugës pamë njerëz civilë që kishin nevojë për ndihmë. Rezultati ishte që shpëtuam një fëmijë 5 vjec. Më pas morëm detyrë në një ndërtesë 8 katëshe e gjithë e rrëzuar, dhe të gjitha katet ishin një mbi një. Duhej kujdes e përkushtim për të mos rrezikuar askënd.” -thotë ai.

Previous article“Emërime elektorale, kur kalohet “vija e kuqe” kërkohet reagim”, Petraq Milo: Ja pse duhet të protestojnë shqiptarët
Next articlePresioni për themelimin e Asociacionit, Kurtit i vjen propozimi: Të zgjerohet t’i bashkëngjiten edhe këto dy komuna!