Së paku 15 pjesëtarë të forcave të sigurisë së Pakistanit dhe afro 11 civilë janë vrarë sot herët në mëngjes, nga sulmi i militantëve në një kamp ushtarak në provincën Khyber Pakhtunkhva.
Zyrtarët e sigurisë thanë se militantët kanë përdorë armatim automatik dhe hedhës granatash gjatë sulmit në bazën në Laki Marvat.
Shefi i policisë lokale, Gul Hameed, i tha Radios Evropa e Lirë, se së paku pesë miliantët janë vrarë gjatë përleshjes 7 orëshe me forcat e sigurisë.
Grupi Tehrik-I Taliban, që është grup i njohur i talibanëve pakistanezë, e ka marrë përgjegjësinë për sulm.
Një zëdhënës i këtij grupi tha se sulmi ishte hakmarrje për vrasjen aktuale të dy komandantëve talibanë, nga sulmi ajror amerikan me aeroplan pa ekuipazh
