Home Politike Nga zhvillimet e brendshme të opozitës tek sulmi ndaj Berishës, Bujar Kapexhiu:...

Nga zhvillimet e brendshme të opozitës tek sulmi ndaj Berishës, Bujar Kapexhiu: Partia s’është as godina dhe as logo, por ajo në terren. Protestat…

Regjisori Bujar Kapexhiu, foli në emisionin “Kjo Javë” me gazetaren Nisida Tufa për protestat e opozitës duke u ndalur edhe tek sulmi ndaj kreut të PD Sali Berisha në protestës që u zhvilluar më 6 dhjetor.

Gjatë intervistës Kapexhiu i ndalur tek zhvillimet e brendshme të Partisë Demokratike, debatet dhe diskutimet e kësaj force politike, tha se opozitën nuk e bën as godina dhe as vula, por është ajo në terren dhe se e bëjnë ata njerëz që mendojnë ndryshe.

Ndërsa foli për protestat Kapexhiu tha se duhet të jenë më fuqishme dhe më goditëse.

 

 

Pjesë nga intervista:

Është gati opozita për të ardhur në pushtet?

Kapexhiu: Shihen më në unitet se çdo herë tjetër dhe me qëllimin që besohet për të arritur pushtetin. Ka divergjenca që e bën këtë parti më të bashkuar. Nuk mendoj që një grup fare i vogël që mua më duket i çuditshëm se si kaloi në këtë anë konfliktuale. Kam parë që oferta i është bërë, ‘ejani se bashkë mund të ndryshojë’, por para 1 viti kam pyetur çdo të bëhet dhe ai më tha ‘do të ndahemi’. Ata mesa duket e kishin të vendosur që do të ndahemi dhe këtë e mbajtën të fshehtë dhe sot është evidentë që nuk duan të bashkohen, por presin vendimin e logos dhe të godinës, vulës. Ata këtë e presin , por në të vërtetë partia nuk është as godina, as logo, por në terren, ata njerëz që e mendojnë ndryshe.

Sulmi ndaj Berishës:

Kapexhiu: Më rëndoi shumë në kuptimin njerëzor. Njëri  shkon dhe qëllon një burrë të moshuar, një njeri. Vetë ky akt është i dënueshëm dhe është një akt kriminel. Por nuk  dua të them që këtë djalë e thërritën në zyrë, por erdhi si rrjedhojë e të gjitha marrëdhënieve që krijoi kryeministri, mazhoranca me opozitën. Mënyra se si flitet në parlament i japin rrugë këtyre akteve vagabondeske.

Si e shihni aksioni opozitar të deritanishëm?

Kapexhiu: Mendoj që protesta duhet të jetë dhe sa më e madhe. Pjesëmarrja në protesta tregon diçka, por kur shikoj reagimet , them se protesta duhet të jetë më e fuqishme më goditëse. Edhe unë brenda vetes time lëviz në kuptimin e forcës të karakterit të protestës. Kjo mesa duket do të varet se deri ku do të shkojë mazhoranca me këtë sjellje arrogante.

Previous articleRivendoset busti i Mit’hat Frashërit në Parkun e Liqenit
Next articleSkandali me foshnjën në Pejë, drejtori i shkarkuar akuzon për ndërhyrje politike, paralajmëron padi