Home Top Lajmet Nga Vettingu te SPAK, zbardhen 9 kushtet e Gjermanisë pë hapjen e...

Nga Vettingu te SPAK, zbardhen 9 kushtet e Gjermanisë pë hapjen e negociatave

Nga Vettingu te SPAK, zbardhen 9 kushtet e Gjermanisë pë hapjen e negociatave. Koha që u duhet autoriteteve shqiptare

Partitë e koalicionit gjerman CDU-CSU kanë kërkuar kohë fizike për 2 nga nëntë kushtet për hapjen e negociatave me Shqipërinë. Bëhet fjalë për përfundimin e procesit të Vetingut për 57 gjyqtarët dhe prokurorët prioritarë, të cilët janë edhe kandidatë për dy organet më të rëndësishme të drejtësisë, Këshilli i Lartë i Gjyqësor dhe Këshilli i Lartë i Prokurorisë.

Kushti i dytë konsiston në ngritjen e organeve të SPAK-ut, ku përfshihen Byroja Kombëtare e Hetimit, Prokuroria e Posaçme dhe Gjykatat Speciale. Sipas “Shqiptarja.com” për plotësimin e këtyre dy kushteve, autoriteteve shqiptare u duhen të paktën 11 muaj kohë.

Ngritja e KLP dhe KLGJ janë vendimtare për të nisur procedurat për ngritjen e organeve të SPAK-ut. Sipas ligjit, brenda tre muajve nga ngritja e KLP dhe KLGJ, nisin procedurat për ngritjen e Byrosë Kombëtare të Hetimit, Prokurorisë së Posaçme dhe Gjykatave Speciale, të projektuar për të ndëshkuar korrupsionin dhe krimin në të gjitha nivelet.

Nëse nuk ka vonesa nga vetë shoqatat e gjyqtarëve dhe prokurorëve për të zgjedhur anëtarët e KLP-KLGJ si dhe nëse procesi i Vetingut ecën me këtë ritëm, duhet rreth një vit që të plotësohen këto dy kushte të reflektuara nga projektrezolutën e CDU/CSU e SPD.

Organet e SPAK-ut

Edhe për ngritjen e organeve të SPAK-ut duhet një kohë fizike e caktuar. Ligji parashikon kritere të forta dhe kontroll të rreptë për anëtarët që do të bëhen pjesë e këtyre organeve. Kandidati për gjyqtar dhe nëpunës civil gjyqësor në gjykatat e posaçme kundër korrupsionit dhe krimit të organizuar, për prokuror dhe personel administrativ në Prokurorinë e Posaçme, dhe për drejtor dhe hetues në Byronë Kombëtare të Hetimit duhet t’i nënshtrohet kontrollit të pasurisë dhe figurës.

Kandidati duhet të japë pëlqimin për kontrollin periodik të llogarive bankare dhe të telekomunikimeve vetjake, për të cilën kandidati plotëson dhe nënshkruan një deklaratë me shkrim. Gjithashtu, duhet dhënia e pëlqimit prej anëtarëve të afërt të familjes për kontrollin periodik të llogarive të tyre bankare dhe të telekomunikimeve vetjake, për të cilën anëtari i afërt i familjes plotëson dhe nënshkruan një deklaratë me shkrim. I gjithë ky proces kërkon një kohë të caktuar.

Previous articleInvestimi i biznesmenit, shkolle e mesme private në degët agronomi dhe veterinari në Maminas
Next articleSherr mes vëllezërve në Durrës për një…pemë