Home Kronika Në pranga për vjedhjen e banesës së Benzema-s, mediat spanjolle jehonë lajmit...

Në pranga për vjedhjen e banesës së Benzema-s, mediat spanjolle jehonë lajmit për arrestimin e kreut të Ujësjellësit të Kurbinit: Prej 9 vitesh drejtor

Mediat spanjolle i kanë kushtuar artikull arrestimit të grabitësit të banesës së Benzema-s, akuzë për të cilën qëndron pas hekurave drejtori i Ujësjellës Kanalizimeve të Kurbinit, Alfred Prodani.

Më poshtë publikojmë artikullin e spanjolles ‘Marca.com’.

Artikulli

Policia shqiptare, në një operacion të koordinuar me Interpolin, ka arrestuar përgjegjësin dhe drejtuesin e grabitjes në shtëpinë e Karim Benzema-s. Grabitja ndodhi më 27 shkurt 2019 gjatë ndeshjes në Santiago Bernabeu ku Barcelona mundi Real Madridin në rezultatin 0-3.

Personi përgjegjës për grabitjen në shtëpinë e Benzemës është Alfred Prodani, një zyrtar i lartë në qeverinë shqiptare, i cili prej nëntë vitesh është drejtor i ndërmarrjes publike të ujësjellësit (Ujësjellës Kanalizimeve në Kurbin).

foto galeri

Arrestimi i Prodanit, i cili ishte përfshirë në grabitjen e 40 shtëpive të tjera në Spanjë që nga viti 2013, ndodhi në Laç me kërkesë të një gjykate në La Coruña në të ashtuquajturin ‘Operacioni Coruña’. “El Periódico” publikon se provat kundër Alfred Prodanit, i cili mohon të jetë i përfshirë në këto grabitje, “janë bindëse” dhe se “nuk asnjë gabim”.

Arrestimi i Prodanit për vjedhjen e shtëpisë së Benzemës në vitin 2019 ka shkaktuar një zhurmë të madhe në Shqipëri.

“Ka grabitur Benzemën dhe e kanë emëruar drejtor. Nëse arrin të grabisë Messin, do ta bëjnë ministër”, deklaroi Kreshnik Spahiu, kreu dhe anëtar i Aleancës ‘Aleancës Kuq e Zi’. Gazeta ‘Albanian Daily News’ kujton se në vitin 2019 Sali Berisha, ish-kryeministër shqiptar, akuzoi drejtpërdrejt Prodanin si përgjegjës për këto vjedhje.

Në janar 2022, kjo bandë grabiti sërish shtëpinë e Benzemas, këtë herë duke përfituar nga mungesa e sulmuesit francez për të luajtur kundër Elche-s në një ditë kur ai humbi penalltinë e parë si lojtar i Real Madridit. Gazeta ’20 minuta’ raportoi se hajdutët kryen sulmin përmes kopshtit, ndërsa nuk kishte njeri në banesë.