Muaji prill rezulton të jetë mjaf frytëdhënës për degën e doganës së Durrësit, pasi të ardhurat e realizuara gjatë këtij muaji kanë shënuar rritje të ndjeshme krahasuar me të njëjtën periudhë të vitti të kaluar. Drejtori i degës së doganës së Durrësit ka bërë të ditur se si katërmujor të ardhurat e doganës janë rritur me 6.5 përqind, por në muajin prill vlen të theksohet zdhoganimi i rreth 8800 ton karburant më shumë si dhe rritje e eksporteve të mallrave që punojnë me fason dhe mineraleve në masën 11 përqind. Deklarimet e mësipërme janë bërë nga Jaçe Hysolli, drejtor i degës së doganës Durrës, degë që përfitoi investime për të përmirësuar infrastrukturën e kontrollit dhe të regjistrimit. Lufta ndaj evazionit fiskal është një prioritet i degës së kësaj dogane, ndërkohë që për parandalimin e këtij fenomeni është ngritur një zyrë e posaçme, ajo e analizës së rriskut. Zyra është hapur për herë të parë dhe do të shërbejë për të mirëmenaxhuar. Dega e doganës së Durrësit është kontribuesja më e madhe e të ardhurave që shkojnë në buxhetin e shtetit, për shkak të volumit të mallrave që perpunohen ne portin më të madh te vendit. Porti Durrësit është më i madhi port në vend që përpunon anijë çisternë të lëngut e gazit si dhe më i madhi përpunues i mallrave. Ndonëse mënyra e administrimit të portit është bërë disa herë objekt i akuzuave dhe materialeve edhe nga KLSH për shkak të klientelizimit, Durrësi vazdhon të jetë ndër më të lakmuarit edhe nga biznese të mëdha transpotuese nga Maqedonia dhe Kosova.
