Home Rajoni Mercenarët serbë stërviten në Donbas me Wagnerin rus

Mercenarët serbë stërviten në Donbas me Wagnerin rus

Një video në media ndërkombëtare, shfaqen mercenarë serbë që stërviten krah ushtarëve rusë të kompanisë “Wagner” për të luftuar në Ukrainë. Në të shikohet një ekip serb në pyjet e Donbass para se të shkojë në front kundër ukrainasve.

Më herët, këtë shqetësim në nivel zyrtar e ngriti edhe diplomati i lartë amerikan Derek Chollet gjatë takimit me presidentin Vuçiç.

Kompania private e afërt me Kremlinin po rekruton vullnetarë nga Beogradi. Ajo që i josh shumë serbë të bashkohen është paga e lartë dhe sigurimi i mirë në rast vdekjeje.

Vitet e fundit ka pasur prani të serbëve në misionet e Wagner-it në Siri dhe Libi, ndërkohë që lufta në Ukrainë ka zgjeruar oreksin e oligarkut Prigozhin që zotëron Wagnerin, për të ndërtuar një ushtri të vërtetë.

Sipas medieve italiane, muajt ​​e fundit, ardhja e “vullnetarëve” sllavë në Ukrainë ka vazhduar të rritet. Por kjo nuk i ka pëlqyer presidentit serb Aleksandar Vuçiç, që reagoi publikisht duke thënë “Pse i telefononi bashkëqytetarët tanë kur e dini se kjo është e ndaluar me ligj?”

Beogradi e ka të ndaluar me ligj që qytetarët nga t’i bashkohen konflikteve të huaja, ndërsa ka pasur edhe 20 dënime gjyqësore për qytetarët që shkuan të luftojnë me rusë.

Previous articleE vërteta se pse Bill Gates vazhdon të blejë kaq shumë tokë bujqësore!
Next articleQSUT përgënjeshtron deputetin e Berishës: Koronarografia vijon të kryhet pa ndërprerje