Pas 16 ditësh grevë urie, punonjësit e Poçemit i kanë dhënë fund asaj pasi 3 paga kanë kaluar në llogaritë e tyre.
Punonjësit e nënstacionit elektrik dhe ujësjellësit në Poçem u futën në grevë urie 16 ditë më parë, pasi rafineria nuk u kishte shlyer pagat e 27 muajve.
Ata fillimisht kërkuan kalimin e të gjitha pagave, por më pas kërkesa e tyre u reduktua në kalimin e 7 pagave dhe ndryshimin e pronësisë së ndërmarrjes së tyre, nga private në administrim publik.
Disa nga grevistët e mbyllën atë para kohe për shkak të problemeve shëndetësore. Kujtojme se më herët e mbyllën grevën e urisë dhe punëtorët e rafinerisë së ballshit, pasi u paguan për tre pagat e prapambetura.
